1 - سبحان من يرزق بتـوع الملاييـن
الرازق اللـي مـا يخيـب الرجـا بـه
2- لي عم عنـده معـرضٍ للصواليـن
أموت واعرف بـس مـن ويـن جابـه
3- وإذا سألتـه قـال بعـت الدكاكيـن
ما يـدري إنـي مـا هضمـت الإجابـه
4- الشاهد إني رحت له قبـل يوميـن
فـي قصـره العامـر ودقيـت بـابـه
5- قال ارحب ارحب عدّ ورد البساتيـن
يـا مرحبـا باللـي لفـا يـا هـلابـه
6- قلت البقا عـدّ النفـل والرياحيـن
يا شيخ شمـل اهـل الكـرم والذرابـه
7- قال اسلم الله يحفظك لي من العيـن
وآمـر أوامـر حضرتـك مستجـابـه
8- قلت الصراحة طالبٍ قـرب غاليـن
ودي تزوجـنـي كريمـتـك يـابــه
9- ثنّى وقـال اهليـن والله وسهليـن
والكون ترخـص لجـل عينـك رقابـه
10- لكن ترا عندي شـروط وقوانيـن
قلت اشرط اشـرط يـا حبيـب الغلابـه
11- قال أولاً مهر العروسـة ثمانيـن
غير الرسـوم وغيـر حـق العصابـه
12- والثانية عمك يبي منـك سبعيـن
رسـم الأبـوّة والنـسـب والقـرابـه
13- وام العروسة حقها منـك ستيـن
عشانهـا سـت الحـسـن والمهـابـه
14- واخوانها كلن يبي منـك خمسيـن
عـداً ونقـداً تنـدرج فــي حسـابـه
15- وخواتها الخمس اعطهن من ثلاثين
عشـان تتوثـق عــروق النسـابـه
16- وتجيب طقم عيار واحد وعشريـن
وخاتم مـن المـاس المصفـى ترابـه
17- واكياس متروسة كعوب وفساتيـن
ألوانهـا واشكالـهـا مــا تشـابـه
18- وموتر بسواقـه وفيـلا بدوريـن
أثاثـهـا مــن بطـرتـه ينحكـابـه
19- واحجز لنا قاعة بقصر السلاطيـن
واحجـز بهـا رقاصتـيـن وربـابـه
20- وامنع دخول اهل اللحى والبزارين
واعـزم أميـر المنطـقـة بالنيـابـه
21- هذي الشروط اللي على بالي الحين
وذكرنـي اللـي مـا حسبنـا حسابـه
22- قلت اذكر الله يا عـدو المساكيـن
واستغـفـره لا يبتـلـيـك بـعـذابـه
23- الظاهر إنك منت عارف أنـا ميـن
أنـا لـو ارقـا فـوق متـن السحابـه
24- ما جبت حتى نص درزن مواعيـن
واضحـك بكيفـك واعتبرهـا دعـابـه
25- شروطكم هذي شـروط المجانيـن
شروطكـم شغـل ابـتـزاز ونهـابـه
26- شروطكم تقصم ظهـور البعاريـن
شروطـكـم هـمّـن وغــم وكـآبـه
27- شروطكم والله سيـوف وسكاكيـن
تذبـح بنـات المجتمـع مـع شبـابـه
28- وين الرضا والعطف واليسر واللين
اللـي ذكـرهـا الله بمحـكـم كتـابـه
29- وين الصفات اللي أمرنا بها الدين
وين اختفـى نهـج النبـي والصحابـه
30- يا عم جعل اللي خلقنا من الطيـن
يـرد عقلـك مـن خـطـاه لصـوابـه
31- ويجعل نصيبي عند غيرك قل آمين
ويحسن عـزا الصابـر ويجـزل ثوابـه
32- قال انت لو فكرت تفكير صاحيـن
ما شفت في مجمـل شروطـي غرابـه
33- حنا بعصـر العولمـة والمزاييـن
ماهـوب عصـر الفلسفـة والخطـابـه
34- الناس تسعى للرتـب والنياشيـن
وانـت اهتمامـك بالشعـر والكتـابـه
35- والشعر ما ينفعك لو هو دواويـن
مـا دام جيبـك مثـل بيـت الخـرابـه
36- يا بوك لا تسمع كلام المصاخيـن
واسأل مجرب عاش فـي وسـط غابـه
37- قلت الله اكبر يا محـرر فلسطيـن
مـن يسمعـك يحسبـك ذيـب الذيابـه
38- تراك شايب راس مالـك رياليـن
والبنـت مـا تسـوى جنـاح الذبابـه
39- قال انقلع مالت على وجهك الشين
لا عـاد اشوفـك عنـدنـا يالـزلابـه
40- قلت ابشر ابشر لكن الباب من وين
واقفيت من عنـده علـى صـوت بابـه
الرازق اللـي مـا يخيـب الرجـا بـه
2- لي عم عنـده معـرضٍ للصواليـن
أموت واعرف بـس مـن ويـن جابـه
3- وإذا سألتـه قـال بعـت الدكاكيـن
ما يـدري إنـي مـا هضمـت الإجابـه
4- الشاهد إني رحت له قبـل يوميـن
فـي قصـره العامـر ودقيـت بـابـه
5- قال ارحب ارحب عدّ ورد البساتيـن
يـا مرحبـا باللـي لفـا يـا هـلابـه
6- قلت البقا عـدّ النفـل والرياحيـن
يا شيخ شمـل اهـل الكـرم والذرابـه
7- قال اسلم الله يحفظك لي من العيـن
وآمـر أوامـر حضرتـك مستجـابـه
8- قلت الصراحة طالبٍ قـرب غاليـن
ودي تزوجـنـي كريمـتـك يـابــه
9- ثنّى وقـال اهليـن والله وسهليـن
والكون ترخـص لجـل عينـك رقابـه
10- لكن ترا عندي شـروط وقوانيـن
قلت اشرط اشـرط يـا حبيـب الغلابـه
11- قال أولاً مهر العروسـة ثمانيـن
غير الرسـوم وغيـر حـق العصابـه
12- والثانية عمك يبي منـك سبعيـن
رسـم الأبـوّة والنـسـب والقـرابـه
13- وام العروسة حقها منـك ستيـن
عشانهـا سـت الحـسـن والمهـابـه
14- واخوانها كلن يبي منـك خمسيـن
عـداً ونقـداً تنـدرج فــي حسـابـه
15- وخواتها الخمس اعطهن من ثلاثين
عشـان تتوثـق عــروق النسـابـه
16- وتجيب طقم عيار واحد وعشريـن
وخاتم مـن المـاس المصفـى ترابـه
17- واكياس متروسة كعوب وفساتيـن
ألوانهـا واشكالـهـا مــا تشـابـه
18- وموتر بسواقـه وفيـلا بدوريـن
أثاثـهـا مــن بطـرتـه ينحكـابـه
19- واحجز لنا قاعة بقصر السلاطيـن
واحجـز بهـا رقاصتـيـن وربـابـه
20- وامنع دخول اهل اللحى والبزارين
واعـزم أميـر المنطـقـة بالنيـابـه
21- هذي الشروط اللي على بالي الحين
وذكرنـي اللـي مـا حسبنـا حسابـه
22- قلت اذكر الله يا عـدو المساكيـن
واستغـفـره لا يبتـلـيـك بـعـذابـه
23- الظاهر إنك منت عارف أنـا ميـن
أنـا لـو ارقـا فـوق متـن السحابـه
24- ما جبت حتى نص درزن مواعيـن
واضحـك بكيفـك واعتبرهـا دعـابـه
25- شروطكم هذي شـروط المجانيـن
شروطكـم شغـل ابـتـزاز ونهـابـه
26- شروطكم تقصم ظهـور البعاريـن
شروطـكـم هـمّـن وغــم وكـآبـه
27- شروطكم والله سيـوف وسكاكيـن
تذبـح بنـات المجتمـع مـع شبـابـه
28- وين الرضا والعطف واليسر واللين
اللـي ذكـرهـا الله بمحـكـم كتـابـه
29- وين الصفات اللي أمرنا بها الدين
وين اختفـى نهـج النبـي والصحابـه
30- يا عم جعل اللي خلقنا من الطيـن
يـرد عقلـك مـن خـطـاه لصـوابـه
31- ويجعل نصيبي عند غيرك قل آمين
ويحسن عـزا الصابـر ويجـزل ثوابـه
32- قال انت لو فكرت تفكير صاحيـن
ما شفت في مجمـل شروطـي غرابـه
33- حنا بعصـر العولمـة والمزاييـن
ماهـوب عصـر الفلسفـة والخطـابـه
34- الناس تسعى للرتـب والنياشيـن
وانـت اهتمامـك بالشعـر والكتـابـه
35- والشعر ما ينفعك لو هو دواويـن
مـا دام جيبـك مثـل بيـت الخـرابـه
36- يا بوك لا تسمع كلام المصاخيـن
واسأل مجرب عاش فـي وسـط غابـه
37- قلت الله اكبر يا محـرر فلسطيـن
مـن يسمعـك يحسبـك ذيـب الذيابـه
38- تراك شايب راس مالـك رياليـن
والبنـت مـا تسـوى جنـاح الذبابـه
39- قال انقلع مالت على وجهك الشين
لا عـاد اشوفـك عنـدنـا يالـزلابـه
40- قلت ابشر ابشر لكن الباب من وين
واقفيت من عنـده علـى صـوت بابـه
